Expand Your English: Ўзбекча Взлом 1.0 + Чит Коды

Инглизча-ўзбекча танланган сўзларнинг инглиз ва ўзбек тилларидаги изоҳли луғати

“Инглиз тилингизни мукаммаллаштиринг” иловаси ўзбек талабаларига инглиз тилининг Америка шевасидаги доимий сўзлар ва ибораларни чуқурроқ тушуна олишларига ёрдам бериш мақсадида бешта китобча шаклида тузилган. Ҳар бир китобча кўп ишлатиладиган сўзларни ўз ичига олган бўлиб, бу сўзлар ишлатилиш мавзуси бўйича гуруҳларга бўлинган. Масалан, “Тана аъзолари ва танага оид ҳодисалар” мавзуси танага алоқадор сўзларнинг гуруҳидир. Ҳар бир бош сўздан кейин, шу сўзнинг Америкача инглизча сўзловчилар ишлатиши мумкин бўлган ҳамма маъноларидан намуналар берилган. “Тана аъзолари ва танага оид ҳодисалар” китобчасида фақатгина 64та бош сўз бор, холос, лекин умумий қўшимча маънолар 792та, иборалар билан идиомалар 408та. Умуман, бешала китобча 684та бош сўзни, 1507та ибора ва идиомаларни ва 4583та маъноларини ўз ичига олган.

Бу китобчалар тўплами инглиз тилида кўп ишлатиладиган сўзларни ўзбеклар чуқурроқ тушуна олишларига ёрдам бера оладиган асбоб бўлиб хизмат қилади. Бу сўзлар инглиз тилида кенгайтирилган маъноларда ишлатилади ва тез-тез идиоматик ибораларда учраб турадиган, одатдаги ва доимий сўзлардир.
“Инглиз тилингизни мукаммаллаштиринг” китобчалар тўплами — тилни ўргатадиган асбоб бўлиб, бу одатдаги луғатдан кескин фарқ қилади. Фойдаланувчилар кўпинча таржима муқобиллари ёки ўзбекча сўзлар берилмаганлигини сезишлари мумкин. Аммо ҳар бир ибора ёки гапда сўзларнинг аниқ маънолари келтирилган. Бу маънолар инглиз тилида ёзилган ва ўзбекчага ҳам таржима қилинган. Маънолардан кейин эса инглиз тилининг Америка шевасида ишлатиладиган сўз ёки иборани тасвирловчи гаплар намуналари берилган. Бу ҳам ўрганувчиларга инглиз тилидаги сўзлар ва ибораларнинг маъноларини чуқурроқ билишларига, уларга сўз бойлигини кўпайтиришларига, ҳар бир сўз ва ибораларнинг аниқ маъноларини ўзлаштиришига ёрдам беради.

Умид қиламизки, бу китобчалар сиз учун инглиз тилини ўргатувчи асбоб вазифасини (ўрганиш жараёнида) бажаради ва ундан фойдаланиш орқали сиз инглиз тилингизни чуқурлаштириб оласиз.

Фойдаланилган асосий манба:
WordNet: a lexical database for the English language, version 1.5. Princeton University, 1995.

Фойдаланилган бошга манбалар:
British National Corpus Sampler, release 1.1. Oxford University, 1999.
Collins Cobuild English Dictionary, John Sinclair, editor in chief. Harper Collins Publishers, London, 1995.
Longman Dictionary of Contemporary English, Adam Gadspy, editorial director. Longman Group Ltd., Essex, 1995.
The American Heritage Dictionary, Margery S. Berube, director of editorial operations. Del Publishing, New York, 1989.
Webster’s New World Compact School and Office Dictionary, Victoria Neufeldt, editor in chief. Macmillan, New York, 1989.