Manbalar Взлом 1.1 + Чит Коды

Ushbu loyiha O‘zbekiston Respublikasi hududidagi muzey, kutubxona va arxivlar, institut va markaz fondlarida saqlanayotgan yuz mingdan ziyod qadimiy yozma manbalar ro‘yxati va ular to‘g‘risidagi asosiy ma’lumotlarni o‘z ichiga oladi.

Mazkur loyiha O‘zbekiston Respublikasi Prezidentining 2022-yil 10-fevraldagi PQ-126-son qarori “Qadimiy yozma manbalarni saqlash va tadqiq etish tizimini takomillashtirishga doir qo‘shimcha chora-tadbirlar to‘g‘risida” bo‘lib, ushbu qarorda Qadimiy yozma manbalar davlat reyestrini shakllantirish va davlat tasarrufidagi muzey, kutubxona va arxiv fondlari faoliyatiga integratsiya qilish uchun davlat reyestri tuzish to‘g‘risidagi topshiriq yuzasidan amalga oshirilgan.

O‘zbekistondagi Islom sivilizatsiyasi markazi va Sharqshunoslik institutida markazlashgan holda saqlanadigan va Davlat reyestriga kiritilgan qadimiy yozma manbalarning holati, doimiy monitoring va tadqiq etilishi natijalari haqidagi ma’lumotlarning muntazam ravishda maxsus portallar va ommaviy axborot vositalarida e’lon qilinishini ta’minlashga doir vazifa ijrosi sifatida bajarilgan.

Qadimiy yozma manbalar arab, fors, tojik, eski o‘zbek, urdu, pushtu, ozarbayjon, turk, tatar, turkman, uyg‘ur va boshqa musulmon Sharq xalqlarining tillarida yozilgan. Ushbu manbalar keng doiradagi fanlarni o‘z ichiga qamrab oladi. Masalan, Qur’on, hadis, aqida, fiqh, islom tarixi, jahon tarixi, adabiyot tarixi, falsafa, huquq, astronomiya, fizika, kimyo, tibbiyot, tillar, farmakologiya, geografiya, musiqa, matematika, mineralogiya, qishloq xo‘jaligi, tasviriy san’at va boshqalarni o‘z ichiga oladi. Bularning barchasi Markaziy Osiyo, Afg‘oniston, Pokiston Hindiston, Eron, arab mamlakatlari va boshqa Sharq mamlakatlari xalqlarining tarixi va madaniyatini o‘rganish, ular o‘rtasidagi siyosiy, iqtisodiy, diplomatik va madaniy aloqalarni o‘rganish uchun muhim manbalar hisoblanadi.

Davlat reyestri asosida qadimiy yozma manbalarning turlari bo‘yicha qo‘lyozma, toshbosma manbalar, tarixiy hujjatlar kataloglari va elektron nusxalarini yaratadi. Qadimiy yozma manbalar davlat reyestrini yuritish bo‘yicha yagona axborot tizimiga kiritish hamda muntazam to‘ldirib borish choralarini ko‘rish rejalashtirilgan.